„Наша Добра Земја“ е задруга за органска храна основана во 2015 година од страна на три жени, која се залага за чиста, еколошка храна произведена со грижа за природните ресурси, како и давање алтернатива на постојниот систем на производство, консумација и дистрибуција на храна. Како задруга и социјално претпријатие, нашата работа не е исклучиво насочена кон остварување профит, туку најнапред кон вложување во локалната заедница и општествена одговорност. Она што не издвојува е моделот на органски кошнички кои нашите членови ги подигнуваат секој четврток.

Преку основните принципи на нашата работа:

- Нудиме палета на сертифицирани и лабораториски тестирани производи кои се произведени со земјоделски практики кои не ги уништуваат природните ресурси и го заштитуваат биодиверзитетот;

– Локална храна – соработуваме само со локални производители, зашто храната која поминала најкраток пат е најхранлива. Исто така, на овој начин го поддржуваме развојот на локалното производство;

– Храна со лице – лично го познаваме секој производител со кој соработуваме и го посетуваме местото на производство;

– Не користиме пластика – од основањето до денес, не користиме пластични кеси, со производителите и членовите постојано ја ротираме амбалажата и ставаме акцент на рефус производи, со цел да го намалиме отпадот создаден од пластика.

Контакт информации:

www.facebook.com/dobrazemja
www.dobrazemja.mk

Ивона Бару

071/ 863-089

*Текстот е личен исказ и не подлежи на лекторирање